Elita e basketbollit do të vazhdojë sot me tri ndeshjet e fundit të javës së dhjetë.

Në Gjakovë, do të zhvillohet ndeshja ndërmjet Trepçës dhe Vëllaznimit. Kampionët kanë shtatë fitore e dy humbje, ndërkohë, kuqezinjtë kanë katër fitore e pesë humbje.

Takim interesant pritet edhe në Pejë, ku Peja ndeshet me Borën, ku të dy skuadrat kanë bërë përforcime, duke synuar arritjen e qëllimeve për këtë edicion. Verdhezinjtë kanë katër fitore e pesë humbje, derisa prishtinasit janë në vendin e fundit me një fitore e shtatë humbje.

Përballje mjaft interesante pritet edhe në kryeqytet, ku Sigal Prishtina e pret Golden Eagle Yllin. Bardhekaltrit kanë pesë fitore e tri humbje, ndërsa therandasit pesë fitore e katër humbje, andaj pritet një sfidë e barabartë.

Superliga-Java 10

E diel

17:00 Trepça – Vëllaznimi

19:00 Peja – Bora

19:00 Sigal Prishtina – Golden Eagle Ylli

Gjilani i bën ‘konak’ Malishevës në një sfidë të rëndësishme për të dy skuadrat.

Gjilanasit aktualisht ndodhen në vendin e gjashtë me 20 pikë, derisa Malisheva renditet e treta me 25 sosh.

Ndërkaq, në duelin tjetër do të ballafaqohen Dukagjini-Prishtina, një tjetër ndeshjes joshëse.

Klinasit që po ‘luftojnë’ për t’i ikur zonës së rrezikshme i pret një punë e vështirë pasi do të sprovojnë forcat me prishtinasit të cilët ndodhen në vendin e katërt me 22 pikë.

Superliga /Java e 15-të

Të dielën takohen:

Gjilani-Malisheva

Dukagjini-Prishtina

Të dyja ndeshjet fillojnë në orën 13:00.