Ka vdekur një person si pasojë e aksidenti që ka ndodhur sot në autostradën Suharekë- Duhël.

Zëdhënësi i policisë, Bajram Krasniqi e ka konfirmuar se vdekja është konstatuar nga ekipi mjekësor.

“Lidhur me informatën e parë për aksidentin në autostradë, tashmë nga njësia policore është pranuar informata se, ekipi mjekësor ka konstatuar se një person i përfshirë në aksident është pa shenja jete. Trupi i pajetë dërgohet në IML për obduksion”, ka deklaruar Bajrami për mediat.

Një i lënduar në aksidentin në autostradën Suharekë-Duhël

Një aksident trafiku ka ndodhur sot pasdite në autostradën Suharekë – Duhël, në kilometrin e 39-të. Në këtë aksident janë përfshirë një veturë dhe një kamion.

Për këtë aksident ka raportuar më herët gazetari i RTK-së, Enis Tabak, derisa tashmë Policia e Kosovës ka dhënë detaje shtesë.

“Bazuar në informacionet e para ju informojmë se rreth orës 14:00, policia është njoftuar për një aksident trafiku të ndodhur në autostradë, drejtimi Suharekë-Duhël (km i 39). Në aksident janë përfshirë një veturë dhe një kamion. Si pasojë e aksidentit një person ka kërkuar ndihmë mjekësore”, ka bërë të ditur Baki Kelani, zëdhënës i Policisë së Kosovës.

Sipas tij njësitet policore janë duke u marrë me aksidentin. Ai njëherësh ka apeluar tek të gjithë pjesëmarrësit në trafik, që të kenë kujdes të shtuar gjatë drejtimit të mjetit në këto kushte atmosferike me të reshura.