Një ndërtesë banimi pranë aeroportit të dytë të Kievit u godit nga një raketë herët të shtunën, me pamjet nga vendi i ngjarjes që tregojnë një goditje të madhe rreth dhjetë kate më lart.

Muret e jashtme të disa njësive të apartamenteve duken të shpërthyera tërësisht, të brendshmet të nxira dhe mbeturinat e varura lirshëm. Tymi është ende i varur në ajër, shkruan CNN.

Shërbimet e urgjencës janë në vendngjarje, por numri i viktimave nuk dihet, tha kryetari i bashkisë së Kievit, Vitaliy Klitschko.

Në një postim në Twitter të shtunën në mëngjes, Ministri i Jashtëm i Ukrainës Dmytro Kuleba ndau një foto të ndërtesës së dëmtuar.

“Kiev, qyteti ynë i mrekullueshëm dhe paqësor, i mbijetoi një natë tjetër nën sulmet e forcave tokësore ruse, raketat,” shkroi ai.

“Unë kërkoj nga bota: Rusia plotësisht e izoluar, dëbimi i ambasadorëve, embargoja e naftës, prishja e ekonomisë së saj. Ndaloni kriminelët rusë të luftës”, shkruajti ai.