Zhegrova me një predhë të pandalshme, Kasami shënon për fitoren e Baselit
Edon Zhegrova ishte fantastik në ndeshjen e Ligës së Konferencës, të cilën Baseli e zhvilloi si mysafir i FC Kairat Almaty.
Anësori i Kosovës hyri në lojë në minutën e 64 të takimit dhe i mjaftuan pesë minuta që të shënonte.
Zhegrova e mori topin krijoi hapësirë nga jashtë gjashtëmbëdhjetëmetërshit, ndërsa goditja e tij ishte e pandalshme (69’).
Në listën e golashënuesve është regjistruar edhe futbollisti tjetër shqiptar, Pajtim Kasami, i cili e ka shënuar golin e tretë për mysafirët.
Ai pranoi një top nga Tomas Tavares në qendër brenda zonës dhe e nguliti në rrjetë (73′).
Baseli e fitoi ndeshjen me përmbysje (3-2) falë futbollistëve shqiptarë, ndërsa luajti edhe Taulant Xhaka, i cili u inkuadrua në minutën e 88-të.