Legjenda e futbollit argjentinas, Javier Zanetti, ka vlerësuar paraqitjet e Argjentinës në Kupën e Botës 2026, duke theksuar se kombëtarja e drejtuar nga Lionel Scaloni e ka merituar plotësisht kualifikimin në gjysmëfinale.

Ish-kapiteni i “Albicelesteve” u ndal veçanërisht te Lionel Messi, për të cilin tha se nuk është i befasuar nga ndikimi i tij vendimtar në këtë turne.

Sipas Zanettit, kapiteni argjentinas ishte përgatitur maksimalisht për këtë Botëror, duke qenë i vetëdijshëm se mund të jetë paraqitja e tij e fundit në një Kupë Bote, ndërsa ka bërë gjithçka për të udhëhequr Argjentinën drejt suksesit.

“E prisja Messin kaq vendimtar. Ai u përgatit duke e ditur se ky ishte Botërori i tij i fundit dhe donte me çdo kusht ta mbronte fanellën e Argjentinës”, tha Zanetti.

Zanetti foli edhe për sulmuesin Lautaro Martinez, të cilin e cilësoi një lojtar kyç për skuadrën. Ai u shpreh se, nëse do të ishte trajner, do ta aktivizonte Lautaron së bashku me Julian Alvarezin në sulm në gjysmëfinalen ndaj Anglisë.

“Lauti është thelbësor për grupin. Unë do të luaja me të dhe Julian Alvarezin së bashku ndaj Anglisë”, theksoi Zanetti.

Argjentina dhe Anglia do të përballen të mërkurën në një duel spektakolar për një vend në finalen e Kupës së Botës 2026, me Lionel Messin që synon të udhëheqë edhe një herë “Albicelestët” drejt finales.