Zyrtarë nga ushtria e Ukrainës kanë bërë të ditur se kanë arritur të godasin rimorkiatorin e marinës ruse “Vasiliy Bekh” në Detin e Zi duke përdorur dy raketa amerikane Harpoon.

Ushtria e Ukrainës publikoi edhe një video në Telegram, ku pretendohet se është momenti kur u sulmua anija ruse të mbushur me armatime, por video ende nuk është konfirmuar.

”Forcat tona detare goditën anijen ruse “Vasily Bekh” në Detin e Zi, e cila mbante sisteme raketore anti-ajror TOR. Më vonë u bë e ditur se anija u fundos”, tha Maxim Marchenko, kreu i administratës ushtarake në Odesa.

Ai shtoi se “Vasily Bekh” po transportonte municione dhe armë për ushtrinë në Detin e Zi, në ishullin e Gjarpërinjve.