Ballkani është gjobitur me 200 mijë euro nga UEFA për detyrime financiare të papaguara në afat. Po ashtu është njoftuar më 11 qershor, që klubi do të përjashtohet nga garat e UEFA-s nëse shkelja përsëritet gjatë periudhës së provës në dy sezonet e ardhshme.

Shkeljet në këtë sezon kanë tronditur klubin e Ballkanit. Aktualisht po përgatitet për të luajtur në kualifikueset e Ligës së Konferencës.

NJOFTIMI I UEFA-s:

Gjatë sezonit 2025/26, shtatë klube iu nënshtruan procedurave para Organit të Kontrollit Financiar të Klubeve të UEFA-s(CFCB) për shkak të detyrimeve të prapambetura ndaj klubeve të tjera, punonjësve dhe/ose autoriteteve sociale dhe tatimore.

Dinamo Batumi(Gjeorgji) kishte detyrime të prapambetura në sezonin 2025/26 dhe për këtë arsye u zbatua përjashtimi i parashikuar në vendimin e saj të mëparshëm të marrë në mars 2025. Ky vendim u apelua para Dhomës së Apelit të CFCB-së. Kjo e fundit hodhi poshtë apelin e klubit dhe konfirmoi vendimin për ta përjashtuar nga gara e ardhshme në UEFA për të cilën do të kualifikohej në tre (3) sezonet e ardhshme duke filluar nga viti 2026/27. Çështja mund të apelohet ende para KAS.

Për më tepër, CFCB vendosi gjobat e mëposhtme për klubet:

• CFR 1907 Cluj (ROU) – 200,000 €
• FC Ballkani (KOS) – 200,000 €
• FK Buduçnost Podgorica (MNE) – 95,000 €
• FC Ordabasi Shymkent (KAZ) – 75,000 €
• FK Sarajevo (BIH) – 20,000 €
• Atletik Bilbao (ESP) – 10,000 €

Për shkak të rrethanave rënduese, përkatësisht përsëritjes dhe/ose pagesave të vonuara për më shumë se 90 ditë, katër klubeve të mëposhtme iu shqiptua gjithashtu një përjashtim me kusht nga pjesëmarrja në garën e ardhshme të UEFA-s për të cilën do të kualifikohen:

• CFR 1907 Cluj (ROU) dhe FC Ballkani (KOS), përjashtimi është pezulluar për një periudhë prove prej dy sezonesh dhe do të zbatohet vetëm nëse klubet vonojnë pagesat në sezonet 2026/27 dhe 2027/28;
• FK Buduçnost Podgorica (MNE) dhe FC Ordabasy Shymkent (KAZ), përjashtimi është pezulluar për një periudhë prove prej një sezoni dhe do të zbatohet vetëm nëse klubet kanë pagesa të vonuara në sezonin 2026/27.

Vendimet përfundimtare të arsyetuara dhe detyruese nga CFCB do të publikohen në UEFA.com në kohën e duhur.