Prishtinë, 25 prill 2023
Autor: Berzat Berzati

Përmes një komunikate për media, organizatori i Panairit të 19-të Ndërkombëtar të Turizmit dhe Sportit bëri të ditur se nga data 27 deri më 28 prill nga ora 10:00 në sallën 1 tetor në Prishtinë do të jetë vendtakimi i destinacioneve më të bukura rajonale dhe të gjithë e interesuar do të mund të marrin informacione çdo ditë deri me 28 prill transmiton Kosova.info

Panairi Ndërkombëtar i Turizmit dhe Sporteve është një ngjarje promovuese dhe komerciale për sektorin e turizmit dhe sportit. E sipas organizatorëve, edicioni i sivjetshëm shpalos një gamë të gjerë destinacionesh dhe atraksionesh turistike, sportive dhe oferta të ndryshme nga një numër i madh agjencish turistike, subjektesh afariste, institucione të tjera nga vendi, rajoni e më gjerë.

Domethënë, një vend ideal për rrjetëzimin me profesionistë nga industria e turizmit dhe sportit në Ballkan, dhe një epiqendër për bashkëpunim potencial, si dhe një platformë unike në të cilën ofertat turistike dhe sportet promovohen zyrtarisht për vizitorët nga Kosova dhe rajoni.