SPORT

Sulmuesit që u zhbllokuan në javën e 10-të: Krasniqi, Shillova e Fazliu fillojnë festivalin e golave

Në tri ndeshjet e zhvilluara të shtunën në BKT Superligën e Kosovës u shënuan tetë gola.

Drita mori fitore të madhe ndaj Llapit si mysafir me rezultat 3-1, ndërsa Gjilani fitoi ndaj Feronikelit me rezultat 1-0.

Derbi i skuadrave të inkuadruara në Superligë i takoi Ulpianës që mposhti si mysafir Malishevën me rezultat 2-1.

Në këto ndeshja ajo që bie në sy është zhbllokimi i disa prej sulmuesve që nuk e kishin gjetur golin deri më tani në elitë.

Blerim Krasniqi i Gjilanit shënoi gol të bukur me kokë që doli të jetë i fitores për skuadrën e tij.

Ky ishte goli i parë më fanellën e Gjilanit për sulmuesin shqiptar.

Në ndeshjen Llapi – Drita u zhbllokuan dy sulmues. Fillimisht ishte Astrit Fazliu që gjeti golin nga pika e bardhë, e që ishte i pari për ferizajasin në këtë edicion.

Fazliu është një nga sulmuesit më të rrezikshëm ndër vite në Superligën e Kosovës.

Edhe Alban Shillova ka gjetur golin e parë në kampionat dhe atë nga pika e bardhë kundër Dritës.

Sulmuesi që kaloi nga Prishtina te Llapi ka pasur sezone të mira ndër vite, ndërsa më shumë spikati me fanellën e Flamurtarit.

Nesër zhvillohen dy ndeshje tjera në BKT Superligën e Kosovës, ku spikat takimi Ballkani – Prishtina.

Shfaq më shumë
//cdrvrs.com/4/3473483