Shoferit i gjendet lëndë narkotike në ndërruesin e shpejtësisë
Njësitet Antikontrabandë të Doganës së Kosovës kanë sekuestruar pesë gramë substancë narkotike gjatë kontrollit të një automjeti.
Lënda narkotike u gjend në ndërruesin e shpejtësisë së automjetit.
“Njësitet Antikontrabande të Doganës së Kosovës, në orët e hershme të mëngjesit, kanë ndaluar për kontroll një automjet të dyshimtë në qytetin e Prishtinës”, ka njoftuar Dogana e Kosovës.
“Gjatë kontrollit nuk është gjetur mall i kontrabanduar, megjithatë, në procesin e kontrollit, është zbuluar një sasi prej 5 gramësh e identifikuar si marijuanë”.