E enjtja zbardhi me një pikë të re kontrolli nga KFOR-i në Zveçan.

Kjo pas kërkesave për shtimin e tyre nga kryetari i Listës Serbe Goran Rakiq, një ditë më parë që i bëri misionit paqeruajtës.

Këngët nacionaliste ishin të vetmet që prishnin qetësinë edhe në Leposaviq.

Serbët në shenjë revolte ndaj kryetarit Lulzim Hetemi, ironizuan pak duke shkruar mbiemrin e tij në trupin e një dhie.

Prijësi i protestës, pasdite pyet KFOR-in nëse mund ta pastrojnë rrugën ku po qëndrojnë.

Më pas për mediat kosovare përsërit kërkesat që kanë për Qeverinë në Prishtinë.

E për ish-shefin e komunës, këta nuk do dorëzohen nga kjo situatë që sipas tij që nuk të dërgon askund.

I pyetur për sulmet ndaj gazetarëve, Zoran Todiq i mohoi ato duke thënë se protestuesit vetëm s’duan të xhirohen tinëz me telefona.