Ramush Haradinaj, “merakli” i dasmave e ahengjeve
Të qenurit në opozitë, kreut të Aleancës për Ardhmërinë e Kosovës, Ramush Haradinajt, po i lë më tepër hapësirë për ta pasuruar agjendën me ahengje. Nga pranvera e këndej, Haradinaj u bë dëshmitar i bashkimit për të paktën 14 çifte.
Në dasmën e tij, nuk pati vend sa kishte mysafir.
Bile kallaballëk e bëri edhe në përvjetorin e 10-të të martesës.
Me secilën familje, deputeti, po ndanë fotografi në rrjetin e tij social.
Të sapomartuarve, nuk dihet nëse politikani po iu lë bakshish, megjithatë duarthatë nuk i lë, sigurisht.
Se është merakli dasmash, Haradinaj, e dëshmoi këtë sezonë teksa në këto organizime nuk u pa të ketë praktikuar edhe një tjetër qejf, që rrallë heziton ta shprehë në publik, e që është këndimi.