Kryetari i Prishtinës, Përparim Rama, ka reaguar ndaj vonesave në ndërtimin e sheshit duke theksuar se pengesat dhe bllokadat e panevojshme po i penalizojnë drejtpërdrejt qytetarët e kryeqytetit.

Ai ka nënvizuar se projekte të tilla janë në shërbim të qytetarëve dhe nuk duhet të bëhen objekt i pengesave politike apo burokratike.

“Sheshet janë të qytetarëve dhe për qytetarët,” ka deklaruar Rama duke shtuar se vonesat vetëm sa e zvarrisin përmirësimin e hapësirave publike në Prishtinë.

Rama është shprehur i vendosur që të vazhdojë me realizimin e projekteve transformuese në kryeqytet duke theksuar se fokusi i tij dhe i ekipit mbetet puna konkrete dhe jo, siç u shpreh ai, “bllokimi dhe propaganda”.

Sipas tij, përfundimi i projekteve të mëdha urbane do të sjellë ndryshime të prekshme për jetën e qytetarëve të Prishtinës. /Kosova.info/