Ish-presidenti amerikan Donald Trump dhe dy nga fëmijët e tij duhet t’u përgjigjen pyetjeve nën betim në një hetim në New York për praktikat e tyre të biznesit, ka vendosur një gjykatës.

Prokurori i Përgjithshëm i New Yorkut ka akuzuar Organizatën Trump për marrjen e lehtësirave tatimore dhe kredive përmes “vlerësimeve mashtruese ose çorientim”.

Trump duhet të ulet para prokurorit të përgjithshëm brenda 21 ditëve. Ai i mohon akuzat dhe pritet të apelojë vendimin.

Ai gjithashtu mund të thirret në të drejtën e tij për të heshtur në çdo depozitë.

Organizata Trump tha në një deklaratë për BBC se “I gjithë sistemi është i korruptuar”.

Të enjten, gjyqtari i Gjykatës së Lartë të New Yorkut, Arthur Engoron tha se Trump, djali i tij Donald Trump Jr, 44 vjeç dhe vajza Ivanka Trump, 40 vjeç, duhet të respektojnë secili urdhrat ligjore që prokurorët lëshuan në muajin dhjetor të vitit 2021.

Hetimi i Prokurores së Përgjithshme të New Yorkut, Letitia James kishte zbuluar “prova të shumta të mashtrimit të mundshëm financiar”, tha gjykatësi, duke i dhënë asaj një “të drejtë të qartë” për të marrë në pyetje nën betim ish-presidentin dhe dy nga fëmijët e tij të përfshirë në biznes.