Politologu Avdi Smajljaj në ditën e Krishtlindjeve, ka shkruar se Kosova është vend i të gjithëve.

Përmes një shkrimi në rrjetin social Facebook, ai ka thënë se Kosova është e bekuar që ka një shoqëri pluraliste.
Ai ka thënë se vendi, është i të majtëve e të djathtëve e të tjerëve në mes, fetarëve e jo fetarëve, besimtarëve dhe jobesimtarëve.

“…të individualistëve e të kollektivistëve e të tjerëve në mes; atyre që nuk i duan xhamitë, kishat, sinagogat, tempujt e objektete tjera fetare, dhe e atyre që i duan xhamitë, kishat, tempujt, e objektete tjera fetare;” – shkruan ai tutje.

Në fund, ai thotë se mbi të gjitha, “jemi shoqëri e të gjithëve”.

Postimi i plotë:

Vendi jonë është i të gjithëve.

Jemi të bekuar që kemi një shoqëri pluraliste (ose të paktën jemi në drejtim të konsolidimit të një shoqërie puraliste), një shoqërie të të gjithëve:

të majtëve e të djathtëve e të tjerëve në mes;

fetarëve e jofetarëve e të tjerëve në mes;

besimtarëve e jobesimtarëve e të tjerëve në mes;

të individualistëve e të kollektivistëve e të tjerëve në mes;

atyre që nuk i duan xhamitë, kishat, sinagogat, tempujt e objektete tjera fetare, dhe e atyre që i duan xhamitë, kishat, tempujt, e objektete tjera fetare;

atyre që (nuk) iu interesojnë xhamitë, kishat, sinagogat, tempujt e objektet tjera fetare;

i të gjithë atyre që mund të zhvillojnë vlera tjera që sot nuk janë;

Mbi të gjitha, jemi shoqëri e të gjithëve.