Një përleshje ka ndodhur mes disa personave të dielën në Prishtinë në rrugën “Basri Canolli”.

Nga ky rast kanë mbetur të lënduar pesë persona. Policia e Kosovës ka arritur t’i arrestojë të gjithë, teksa ka konfiskuar edhe armët e tyre.

Kjo është komunikata e plotë e Policisë:

Arrestohen pesë persona për përfshirje në rrahje, sekuestrohen dy armë

Sot rreth orës 13:00, kemi pranuar informatën për një përleshje fizike në rrugën “Basri Canolli” në Prishtinë, ku kanë qenë të përfshirë pesë persona.

Në këtë rast , janë lënduar të gjithë personat e përfshirë.

Personat e lënduar pas trajtimit të nevojshëm mjekësor dhe intervistimit nga ana e policisë me vendim të prokurorit janë dërguar në mbajtje.

Ndaj tyre është iniciuar rast për veprën pjesëmarrje në rrahje.

Njëri nga personat e dyshuar, ngarkohet edhe me veprën Mbajtje në prosnësi, kontrollë apo posedim i paautorizuar i armëve, pasi në shtëpinë e tij janë gjetë dhe sekuestruar:

– një pushkë gjuetie armë

-një pistoletë

-dy karikatorë

– 63 fishekë etj.