Pas plot 24 viteve përvojë e përkushtim në ndërmarrjen publike “Termokos”, kolegu i respektuar Ibrahim Mustafa i ka dhënë fund kapitullit të tij profesional duke nisur kështu një etapë të re të jetës – pensionimin.

Në një postim publik, Kryeshefi Ekzekutiv i Termokos, Fisnik Osmani, ka shprehur mirënjohje të thellë për kontributin shumëvjeçar të Mustafës duke e përshkruar si një koleg të palodhur, të qetë dhe gjithmonë të përkushtuar ndaj punës. “Ibrahimi ka qenë pjesë e pandashme e ekipit tonë, me përkushtim dhe qetësi që gjithmonë janë vlerësuar nga të gjithë ne. Ai largohet nga puna, por jo nga shoqëria dhe respekti që ka fituar ndër vite,” thuhet në mesazhin e Osmanit.

Nga ambientet e Termokos, kolegët e tij kanë përcjellë Ibrahimin me urime për shëndet, qetësi dhe ditë të mbushura me gëzim në pension.

Ky moment shënon jo vetëm fundin e një karriere të gjatë dhe të ndershme, por edhe vazhdimin e ndikimit pozitiv që një punonjës shembullor lë pas.

Termokos – duke i dhënë kuptim Prishtinës së Gjelbër. /Kosova.info/