Gjykata Themelore në Prishtinë i ka caktuar një muaj paraburgim të dyshuarit për veprën penale “vrasje”, i cili po kërkohej me urdhërarrest ndërkombëtar nga Danimarka.

I dyshuari u arrestua nga Policia e Kosovës, përkatësisht nga njësia FAST Kosova, në bashkëpunim me njësitë e rendit publik dhe Njësinë për Reagim të Shpejtë.

Arrestimi u realizua mbi bazën e një urdhër-arresti ndërkombëtar të lëshuar nga INTERPOL i Danimarkës.

Sipas njoftimit, gjyqtari i procedurës paraprake ka miratuar kërkesën e Prokurorisë Speciale të Kosovës për paraburgim, duke i caktuar të dyshuarit masën prej një muaji.