Nënkryetari i Komunës së Prishtinës, Alban Zogaj, ka treguar arsyet kryesore se pse mendojnë që unaza qendrore e kryeqytetit të kthehet në rrugë një kahshe.

Në Ju Flet Prishtina të Klan Kosovës, ai ka deklaruar se kjo do të jetë më e lehtë për qarkullimin e veturave, autobusëve, biçikletave dhe këmbësorëve.

“Disa prej arsyeve kryesore se pse ne po insistojmë që duhet të kthehet në unazë një kahëshe. Janë si më poshtë, sy korsi që shkojnë në një drejtim dhe dy korsi në drejtimin tjetër, rruga në përgjithësi i ka katër korsi. Ideja është që një korsi t’ia japim ekskluzivisht autobusit dhe qarkullimit me autobus. Kjo e bën qarkullimin e Trafikut Urban dhe qarkullimin me autobus shumë më të lehtë”.

“E dyta është një korsi tjetër nga katër i jepet në shfrytëzim mobilitetit alternativ që nënkupton këmbësorëve, biçiklistëve, trotinetëve elektrikë. Dy korsi mbesin ekskluzivisht për makina, kur ne e mësojmë këtë qarkullim, atëherë qarkullimi i veturave do të jetë më fluid apo më i rrjedhshëm”, ka thënë Zogaj.