Analisti Shenoll Muharremi ka reaguar pas raportimeve për tre persona të vdekur në Gjilan, ku dyshohet se rasti lidhet me fajdet. Ai e quajti situatën alarmante duke theksuar se dhjetëra e qindra raste të ngjashme janë raportuar gjatë viteve të fundit.

Muharremi shprehu ngushëllime për familjet e viktimave dhe u bëri thirrje institucioneve të sigurisë, rendit, ligjit dhe drejtësisë që të veprojnë menjëherë për të shpartalluar e çrrënjosur këto grupe kriminale.

“Shteti duhet t’u shpallë luftë të pakompromis rrjeteve të fajdeve, pa humbur më shumë kohë dhe jetë të pafajshme,” tha ai. /Kosova.info/