Ministria e Drejtësisë ka reaguar pas ngjarjes së mbrëmshme tragjike, ku një grua shtatzënë u vra nga ish-bashkëshorti.

Përmes një postimi në rrjetin social Facebook, kjo ministri ka shpërndarë fotografi teksa krerët shtetërorë, me në krye shefin e ekzekutivit ndjekin filmin: “Vera andrron detin”.

Siç përshkruhet në publikim, ky është filmi që pasqyron në mënyrë brilante cenimin e integritetit ekonomik të grave.

Më poshtë edhe komunikata e plotë:

‘Vera andrron detin’ është filmi që pasqyron në mënyrë brilante cenimin e integritetit ekonomik të grave.

Detyrimi fisnor për të hequr dorë nga prona së cilës i takon gruas është një fenomen tjetër i rënduar në realitetin tonë shoqëror. Gratë duhet të trajtohen të barabarta. Në familje, në shoqëri, në institucione.

Këtë duhet kuptuar, familja dhe e tërë shoqëria.

Le të lëvizim bashkë drejt një shoqërie më të emanciouar.

Sa më shumë të përbashkuar drejt barazisë aq më shpejtë drejt një shoqërie më të emancipuar.