Një aksident me fatalitet ndodhi sonte në Dobroshec të Drenasit.
Si pasojë e këtij aksidenti, humbi jetën një këmbësorë.

Lidhur me këtë ka shkruar kryetari i Drenasit, Ramiz Lladrovci.

Ai tha se viktima në këtë aksident ishte Selver Lladrovci.

Lladrovci theksoi se Selveri ka qenë veprimtar i guximshëm, pjesëmarrës në demostrata kundër pushtuesit e veteran i UÇK-së.

Postimi i plotë:

Sonte, në aksidentin automobilistik që ndodhi në Dobroshec, humbi jetën Selver Lladrovci. Lajm i rëndë për familjen dhe të gjithë neve që e njohëm. Nuk mund të pajtohem se më nuk do të bashkëbisedojmë më së bashku me Selverin e të flasim si kushërinj e shokë që u rritëm bashkë.

Selveri ka qenë veprimtar i guximshëm, pjesëmarrës në demonstrata kundër pushtuesit dhe veteran i UÇK-së, i cili me bindje dhe vetëdije, i takonte rinisë më të vendosur për çlirim. Kontributi i tij atdhetar, do të jetë i paharrueshëm.

Ngushëllime familjes së Selverit dhe të gjithë atyre që ndjejnë dhimbje për këtë humbje të madhe.

I përjetshëm qoftë kujtimi për Selver Lladrovcin!.