Disa deputetë të Aleancës për Ardhmërinë e Kosovës kanë zhvilluar takime me disa nga përfaqësuesit e sindikatave në vend, ku është diskutuar kryesisht për Ligjin e Pagave.

Besnik Tahiri, Bekë Berisha dhe Albana Bytyqi, fillimisht vizituan Sindikatën e Arsimit, nga ku u tha se ky ligj nuk është përfshirë në buxhetin e vitit të ardhshëm, derisa u kritikua edhe mostransparenca për vlerën e koeficienteve.

Ky grup i deputetëve vizituan edhe sindikatën e administratës, e atë të policisë, derisa akuzuan pushtetin për tentim të instalimit të diktaturës në sindikata.