Pikërisht një muaj më parë, Federata Ruse e Futbollit ngriti një padi kundër FIFA-s për shkak të sanksioneve dhe përjashtimit të kombëtares dhe klubeve nga të gjitha kompeticione, teksa sot kanë vendosur të tërheqin padinë.

“Federata Ruse e Futbollit beson se FIFA dhe UEFA nuk kishin bazë ligjore kur vendosën të përjashtonin ekipet ruse të futbollit. Kjo shkeli të drejtat themelore të Asamblesë Kombëtare Ruse si anëtare e plotë e FIFA-s dhe UEFA-s, duke përfshirë të drejtën për të konkurruar”, thuhej në një deklaratë nga Federata e Futbollit një muaj më parë.

Megjithatë, sot publiku u befasua nga lajmi për tërheqjen e padisë në Gjykatën e Arbitrazhit Sportiv (CAS). Kjo do të thotë se rusët janë pajtuar me të gjitha sanksionet dhe ndëshkimet pas agresionit ushtarak në Ukrainë.

“Procedura do të mbyllet së shpejti,” tha CAS në një deklaratë sot.

Është interesante se Federata Ruse e Futbollit nuk e tërhoqi ankesën kundër UEFA-s. Rusia shpreson që ekipi kombëtar i futbollit për femra mund të marrë pjesë në Europian, i cili luhet nga data 6  deri më 31 qershor në Angli.

CAS shtoi se federata të shumta sportive nga Rusia kanë ngritur një padi pasi kanë përjashtuar atletët nga garat si regbi, gjimnastika, biatlon, patinazhi dhe shumë të tjera.