Shkruan: Refik HASANI

Sot, me pikëllim të thellë morëm lajmin për ndarjen nga jeta të veprimtarit e atdhetarit njëherësh profesor Ibrahim KADRIU, nga Presheva, që një jetë ia kushtoi arsimit.

Profesor Ibrahim Kadriu, është angazhuar, dhe ka dhënë kontribut gjithmonë në përkrahjen e të gjithave iniciativave e projekteve në të mirë të kësaj Krahine shqiptare dhe në mbështetjen e kauzës sonë Kombëtare për Liri e Çlirim.

Është dhe mbetët frymëzues me dashurinë për dijen dhe atdheun, kontribut dhënës me përkushtim më të lartë intelektual në organizimin e shprehur të vullnetit përmesë Referendumit plebishitar të datës 1 e 2 mars 1992,për Autonomi Politike e Territoriale të Preshevës, Medvegjës, dhe Bujanocit, me të drejtë bashkimi me trungun e saj-Kosovën, i emëruar Kryetar i Kuvendit të Referendumit.

Ishte dhe mbeti i urtë i sinqertë, largpamës dhe vizionar, asnjëherë nuk u pajtua me jetën e robëruar nënë pushtuesin Serb, gjithmonë i palodhshëm për ideal.

Unë jam krenar që njoha, bashkëpunova me njeriun e sakrificës, të urtin, dhe Kryetarin e Kuvendit të Referendumit.

Lavdi veprës që bëri historinë, ku dhimbjen e ndaj bashkë me familjen, dhe me gjithë shokët e miqtë.

Vepra e Referendumit dhe kontributet tjera, do të mbetën të pavdekshme.

U prehtë në paqe Kryetari i Kuvendit të Referendumit.

Edhe njëherë Lavdi, Lavdi!