Nënkryetari i Lidhjes Demokratike të Kosovës në Rahovec dhe ish-kandidat për deputet, Enis Durguti, ka shpërndarë një postim në Facebook, duke akuzuar Komunën e Rahovecit për keqmenaxhim financiar.

Ai ka publikuar një email të dërguar nga Drejtori i Financave, Afrim Limani, që sugjeron një vonesë të përmbarimit të vendimeve gjyqësore deri në tremujorin e parë të vitit 2025 për shkak të likuiditetit të pamjaftueshëm.

Durguti kritikon planifikimin e dobët dhe menaxhimin e keq të financave, duke theksuar se kjo ka çuar në krizë dhe kërkon që mësimdhënësit të pranojnë vonesa në pagesat e tyre. /Kosova.info/