Kryeminstri i Kosovës, Albin Kurti, pas takimit me Gabriel Escobar tregoi për temat që folën.

Ai falënderoi Escobarin, duke e quajtur mik të madh të Kosovës.
Kurti tha se Kosova është palë konstruktive dhe është treguar kreative në procesin e dialogut.

“Me z.Escobar folëm për rendësin dhe peshën raporteve tona dypalëshe, partneritetin e vendeve tona për progresin dhe reformat në Kosovës, ballafaqimin me krizën energjetike dhe për raportin përmes Kosovës dhe Serbisë për procesin e dialogut dhe rrugën përpara. Përmes gatishmërisë për takime, vullnetit për marrëveshje dhe propozimeve konkrete që japin republika e Kosovës është treguar që është palë konstruktive dhe kreative në procesin e dialogut, ka thënë Kurti.