Inter ka marrë një fitore të rëndësishme si mysafir i Pisa, duke triumfuar 2-0 në “Arena Garibaldi” dhe duke i dhënë fund serisë prej gjashtë ndeshjeve pa humbje të vendasve.

Vendimtar për zikaltërit ka qenë argjentinasi Lautaro Martínez, i cili ka shënuar dy gola në pjesën e dytë.

Pisa e ka nisur ndeshjen shumë mirë dhe ka krijuar disa raste të mira, sidomos me M’Bala Nzola, i cili ka dështuar ta shfrytëzojë mundësinë më të pastër pas pushimit.

Inter, që në pjesën e parë ka rrezikuar vetëm nga goditjet standarde të Calhanoglu, e ka gjetur golin e avantazhit në minutën e 69-të. Pio Esposito ka fituar një top në mesfushë dhe ka asistuar për Martínez, i cili ka goditur saktë me të parën.

Pas këtij momenti Pisa është demoralizuar dhe shtatë minuta para fundit Martínez e ka dyfishuar rezultatin, kësaj radhe pas një krosimi të Barella.

Me këtë fitore, Interi ngjitet në vendin e tretë në Serie A, vetëm një pikë prapa Milan, ndërsa Pisa mbetet në zonën e rrezikut me vetëm një fitore në këtë sezon.