Reprezentuesi kosovar Veldin Hoxha ka shkëlqyer në fitoren e Rubin Kazanit me rezultat 2:0 ndaj Krylya Sovetov në javën e 11-të të Premier Ligës ruse, vetëm pak ditë pasi e ka marrë ftesën nga përzgjedhësi i Kosovës, Franco Foda, për ndeshjet e tetorit ndaj Sllovenisë dhe Suedisë.

Hoxha e ka shënuar golin e dytë për Rubin Kazanin në minutën e pesëdhjetë e katërt, pas një asistimi nga Shabanhaxhaj. 

Rubin Kazan e ka nisur ndeshjen më mirë, duke kaluar në epërsi në minutën e nëntëmbëdhjetë me golin e Arroyo, ndërsa Hoxha e ka siguruar rezultatin me golin e dytë, duke i dhënë qetësi ekipit.

Pas kësaj fitore, Rubin Kazan gjendet në pozitën e gjashtë në tabelë, në një kampionat që aktualisht kryesohet nga CSKA Moscow.