Ish-kryeministri Avdullah Hoti, tha  se Qeveria e Kosovës ka rënë në grackën e Beogradit.

“Situata në veri është krijuar me interferimin e Beogradit për të vendosur barrikada, ose për t’u tërhequr nga institucionet”, theksoi Hoti, por tha se “tendenca të tilla ka pasur edhe në të kaluarën”.

Deputeti i LDK-së, në T7 tha se më herët kishte maturi shtetërore dhe se ishte evituar rënia në grackën e Beogradit.

“Unë besoj që ka qenë maturi shtetërore e qeverive të kaluara, edhe të qeverisë time, që të mos beijmë në këtë grackë. Dhe e kemi evituar këtë grackë… plotësisht në koordinim me partnerët ndërkombëtarë”, tha ai.

Ai tha se situata në veri nuk mund të menaxhohet pa koordinim me partnerët ndërkombëtarë.