I dyshuari për vrasjen e 18 personave dhe plagosjen e 13 të tjerëve në një sulm të tmerrshëm në Maine këtë javë, u gjet i vdekur të premten në mbrëmje nga një e shtënë e vetëshkaktuar pas një gjuetie dyditore, tha një zyrtar shtetëror.

Robert Card, i akuzuar për kryerjen e masakrës së të mërkurës në një sallë bowlingu dhe një restorant në Lewiston, Maine, u gjet i vdekur rreth orës 19:45, të premten pranë lumit Androscoggin, u tha gazetarëve Komisioneri i Sigurisë Publike të shtetit, Michael Sauschuck.

“Tani është koha për t’u shëruar”, u tha gazetarëve në konferencën për shtyp, i cili tha se Policia e Shtetit të Maine gjeti trupin.

“Sonte, qyteti i Lewiston dhe shteti i Maine fillojnë të ecin përpara në një rrugë të gjatë drejt shërimit”.

Trupi i Card u gjet në një zonë pranë një qendre riciklimi nga e cila ai ishte pushuar së fundmi, tha një burim i zbatimit të ligjit për CNN.

Të shtënat e së mërkurës në mbrëmje ishin të shtënat masive më vdekjeprurëse në ShBA që nga masakra e vitit të kaluar në një shkollë në Uvalde, Teksas.