Një lloj Dejtoni po qëndron pezull në ajr, ka thënë kryeredaktori i së përditshmes opozitare serbe “Nova.rs”, Ranko Pivljanin, në një intervistë dhënë për N1, duke komentuar iniciativën e fundit franko-gjermane për dialogun Kosovë-Serbi të mbështetur edhe nga ShBA’ja.

Duke e rikujtuar se si Sllobodan Millosheviçi e kishte grisur dokumentin amerikan në Dejton ku i propozohej zgjidhje për Kosovën nga ShBA’ja, Pivljanin tha se Vuçiç “nuk ka guxim ta grisë dhe ta hedh atë letër”.

Situatën e tanishme në pjesën veriore të Kosovës, ai e sheh si një “aventurë të përbashkët Vuçiç-Kurti”.

“Amerikanët po kërkojnë diçka më shumë këtu. Mendoj se deri në njëfarë mase ata edhe kanë lejuar diçka të tillë të ndodh, dhe që mëpastaj të thonë se kjo këtu merr fund. Dihet se në Kosovë ekizston KFOR’i e NATO dhe ato e kontrollojnë. Është vetëm çështje e të detyruarit njërën palë. Vuçiç këtë e di më së miri, por ne s’e kemi asnjë ide se çfarë po negociohet dhe çfarë po ndodh”, ka thënë Pivljanin.

Më teja ai tha se “të gjithë janë të lodhur Kosovën”, dhe se qëndrimi aktual ndaj Kosovës ka të bëjë me konfliktin në Ukrainë.

“Njohja [e Kosovës] nga Serbia do të ishte material për konflikt të ri. Serbët kurrë s’do ta pranonin. Vuçiç s’duhet të thërrasë referendum, sepse po e shohim këtë irracionalist siç e kemi edhe dashurinë ndaj Rusisë. Ne po kërkojmë mënyra për ta njohur pa e njohur”, ka thënë mes tjerash ai.

Ai thotë Sllobodan Millosheviçin në Dejton iu ofrua një dokument nga diplomatë amerikanë për të zgjidhur çështjen me Kosovën të cilin ai e grisi. Përgjitha e diplomatit amerikan, tha Pivljanin, ishte se Millosheviçit i qe thënë se ajo do të ishte koha e fundit për të zgjidhur çështjen me Kosovën.