Komunarët e Ferizajt janë të pakënaqur me projektet e miratuara në Kuvendin e Kosovës, për të qenë pjesë e buxhetit për vitin e ardhshëm.

Sipas tyre, ato janë minore në krahasim me propozimet e bëra nga kreu i Komunës, duke theksuar se kanë mbetur jashtë kërkesa me rëndësi jetike.

Megjithatë, këta thonë se do të mundohen t’i realizojnë ato projekte me buxhetin komunal e me donatorë të jashtëm.

E papranueshme miratimi i vetëm disa projekteve për këtë komunë është edhe për shoqërinë civile veçanërisht duke marrë parasysh që Ferizaj ka dhjetë deputetë.

Sipas Kenan Gashit nga Avonet, e gjithë kjo i ka rrënjët tek rezultati në zgjedhjet lokale, gjë që ka bërë që pozita të mos mbështes projektet e opozitës.