Një ngjarje e rëndë ka ndodhur mëngjesin e sotëm në Pejë, ku një person dyshohet se i ka dhënë fund jetës së tij.

Vdekjen e të ndjerit e ka konstatuar ekipi mjekësor që doli në vendin e ngjarjes, teksa Policia po heton rastin.

Mësohet se viktima është Ukë Berisha, 57-vjeçar.

Berisha u gjet i varur në një kabllo elektrike në ballkonin e shtëpisë së tij dhe gjithë ngjarjen tragjike e zbuloi i biri, i cili e gjeti babain pa ndjenja.

Pavarësisht tentativës për ta shpëtuar, duke thirrur për ndihmë Policinë dhe Urgjencën, viktima s’ka arritur që të mbijetojë.

Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa rasti është cilësuar ‘Hetim mbi vdekjen’.