Të martën në Skenderaj policia e ka identifikuar një lokal ku dyshohet se janë organizuar skema piramidale dhe bixhoz i paligjshëm.

“Nën dyshimin e bazuar për ushtrimin e veprimtarisë së kundërligjshme ‘Organizim i skemave piramidale dhe bixhozit të paligjshëm’, hetuesit policorë në Skenderaj, kanë identifikuar një lokal ku ushtrohej veprimtari e lojërave të fatit”, ka njoftuar Policia e Kosovës në Facebook.

“Në lokalin ku dyshohej për veprimtari e dyshimtë, në cilësi të provave materiale janë gjetur dhe janë sekuestruar: dy aparate të lojërave te fatit, dy printerë, dy kompjuterë, dhe materiale të tjera që mund të shërbejnë si dëshmi për rastin në fjalë”.

“Lidhur me rastin në cilësi të të dyshuarit është intervistuar një person i cili më pas është liruar në procedurë të rregullt”.

“Ndërsa, hetuesit policorë janë duke vazhduar me procedurat e mëtejme hetimore”.

“Është arrestuar i dyshuari mashkull kosovar punëtor i një lokali, pasi që në të zhvillohej veprimtari e ndaluar bixhozi. Gjatë bastisjes së lokalit, janë hasur dy aparate bixhozi, dy kompjuterë për printimin e tiketave të lojërave të fatit, dy shtëpiza të kompjuterit, dy tastiera, dy mausa, si dhe letra që shërbejnë për printim”, Në vendin e ngjarjes kanë dalur edhe inspektorët komunal të cilët kanë mbyllur lokalin, ndërsa me vendim të prokurorit i dyshuari pas intervistimit lirohet në procedurë të rregullt”, thuhet ndërkaq në Raportin e Policisë së Kosovës.