Drita ka fituar në Islandë ndeshjen e parë kundër Breidablik, e zhvilluar në kuadër të kualifikimeve për Conference League.

Ndeshja në “Kopavogsvöllur” është mbyllur me rezultat 1-2 në favor të skuadrës kosovare.

Skuadra gjilanase e ka mbyllur pjesën e parë me avantazh, falë golave të shënuar nga Manaj në minutën e tretë dhe Tushës në minutën e njëzet e tretë.

Megjithatë, në pjesën e dytë, skuadra vendase ia ka arritur ta ngushtojë rezultatin me golin e Thorvaldsson në minutën e shtatëdhjetë e një.

Ndeshja e kthimit do të zhvillohet pas një jave në stadiumin “Zahir Pajaziti” në Podujevë.