Gianluigi Donnarumma ishte kryesisht spektator i PSG-së në fitoren 1-0 të Ligës së Kampionëve ndaj Real Madridit, por kishte arsyetime për huqjen e Lionel Messit nga penalltia, ndërsa ai teorizon se Kylian Mbappe është “një alien”.

Portieri startoi para Keylor Navasit në portë, por ishte pothuajse i papunë, sepse italianit nuk iu desh të bënte asnjë pritje.

Real Madridi nuk arriti të gjuante në portë, me vetëm tre tentime gjatë 94 minutave.

Në vend të kësaj, Thibaut Courtois bëri pritje vendimtare, duke përfshirë një pritje penalltia të ekzekutuar nga Messi, përpara se ai të mposhtej nga Kylian Mbappe.

“Ishte shumë e kënaqshme, ne duhet të kishim shënuar më herët, por Kylian u kujdes për këtë”, deklaroi Donnarumma për Sky Sport Italia pas ndeshjes.

“Ne jemi shumë të lumtur, do të jetë një tjetër lojë e madhe në Madrid. Ne ndihemi të fortë dhe e dimë se duke dhënë 100%, ne mund të mposhtim këdo. Jam krenar që jam pjesë e kësaj skuadre dhe këtij klubi”.

Messi tani nuk ka arritur të realizojë pesë nga 23 penalltitë e tij në Ligën e Kampionëve.

“Nuk kam asgjë për të thënë për Leon, këto gjëra u ndodhin të gjithëve. Të gjithë e dimë se kush është Leo Messi. Kemi shumë kampionë këtu që mund të ndryshojnë lojën, Kylian shënoi, por të gjithë bëmë një lojë të jashtëzakonshme.

“Kylian është një alien, ai është një jashtëtokësor! E shihni në stërvitje, në ndeshjet mes ditëve, ai është thjesht i jashtëzakonshëm. Nuk e di se çfarë do të bëjë sezonin e ardhshëm, kjo varet nga ai, por ne do ta shijojmë atë çdo ditë që ai është këtu”, ka shtuar më tej ai.