Një shtëpi është përfshirë nga zjarri në Vitomiricë të Pejës. Përveç dëmeve materiale nuk ka pasoja në njerëz.

Lajmin ka konfirmua zëdhënësi i Policisë për Rajonin e Pejës, Fadil Gashi.

Sipas Gashit, zjarri është lokalizuar me ndërhyrjen e Brigadës së Zjarrfikësve në Pejë.

“Në orën 10:33 minuta është njoftuar policia, e cila ka dalë menjëherë në vendin e ngjarjes. Edhe zjarrfikësit kanë dalë në vendin e ngjarjes. Zjarrin kemi arrit me shua, por kati i dytë i shtëpisë është djegur tërësisht… Dëme në njerëz nuk ka përveç dëmeve materiale”, tha Gashi për KosovaPress.

Zëdhënësi Gashi ka thënë se ende nuk dihen shkaqet e zjarrit në shtëin që sipas tij ka qenë e banueshme.

Agjencia e Menaxhimit Emergjent u ka bërë thirrje të gjithë qytetarëve Kosovës që të tregojnë kujdes të shtuar gjatë stinës së verës, e cila karakterizohet me temperatura të larta dhe rrezik të shtuar për zjarre.