Kur ka kaluar më shumë se 24 orë, nga vrasja e Can Karriqit, policia ka shoqëruar të paktën 15 persona, shumica e të cilëve familjarë e miq të viktimës, apo edhe dëshmitarë okularë në momentin e ekzekutimit.

Por, pavarësisht numrit të partë të të shoqëruarve gupi hetimor nuk ka marrë asnje të dhënë për motivet apo të krijojë një identitet të autorëve. Ndërkohë burime nga grupi hetimit që po heton për këte ngjarje thanë se në mjetin e gjetur të djegur në Institut pas krimit nuk ka asnjë të dhënë.

Edhe pse hetuesit kanë bërë maksimumiN për përfitimin e ndonjë prove është mjaft e vështirë pasi si automjeti edhe arma e gjetur aty janë shkrumbuar tërësisht. Gjithashtu sipas po të njëjtave burime, armës i është fshirë edhe numri serial.

Përsa i përket dinamikës së Krimit, ngjarja ështe fiksuar nga dy kamera sigurie, ku ku po konsumonte kafenë i riu ka fiksuar të gjithë ngjarjen. Referuar kamerave të sigurisë, rezulton se Can Karruqi është qëlluar menjëherë sapo ai ka dalë nga lokali dhe ka hipur në automjetin e tij. Në kamera është fiksuar edhe momenti  kur makina tip “Audi”me të cilin lëviznin autorët  afrohet  pranë makinës së viktimës, dhe aty fillojnë ta qëllojnë, ku si pasoja 30-vjeccari mori 4 plumba. Hetuesit kanë dyshime se personat që kanë kryer ekzekutimin, janë vrasës  me pagesë dhe atentati është ka qenë i mirë menduar.

Nisur nga e kaluara e viktimës që rezulton me precedent kriminal, hetuesit kanë dyshime se shkak është bërë përplasja mes bandave kriminale. Gjithashtu sipas informacioneve  të siguruar mësohet se po hetohet në të njëjtën linjë edhe me vrasjen e dyfishtë të Erigers Mihasit dhe Armando Dumanit në muajin nëntor. Departamenti i hetimit të krimeve të rënda në Policinë e Shtetit, ka bërë dhe mbledhje, ku është diskutuar për atentatin mafioz, por edhe për ngjarjen në Vlorë, ku i’u vu tritol, Indrit Sadedinit, i cili mori plagë të rënda. Pas diskutimeve nisur edhe për nga mënyra si janë nga autorët këto ngjarje, drejtuesit e lartë të departamentit te krimeve kanë bindjen se ato vijnë nga krimi i organizuar. Në përfundim të kësaj mbledhjeje u dhanë disa urdhërime që persona të caktuar të mbaheshin nën përgjim apo vëzhgim.