Dënohet me tri vjet burgim personi që u mundua ta fus në qarkullim kartëmonedhën e falsifikuar

Gjykata Themelore në Prishtinë e ka dënuar me tri vjet burgim personin me inicialet R.Z. për veprën penale “falsifikimi i parasë”.

I akuzuari është shpallur fajtor dhe është dënuar me dënim me burgim prej tre vjetësh, të cilin dënim i akuzuari do ta mbajë pasi aktgjykimi ta merr formën e prerë.

“I akuzuari R.Z është recidivist i disa veprave tjera penale. Më datë 11.01.2021 rreth orës 20:55 në Lipjan, në pompën e derivateve ‘Luma Petrol’, gjatë kontrollimit të veturës së të akuzuarit R.Z nga ana e Policisë së Kosovës, është gjetur kartëmonedha në vlerë prej 500 euro, e cila ka qenë e falsifikuar, e cila ishte vërtetuar nga raporti i Forenzikës së Kosovës”, thuhet në njoftim.

Sipas gjykatës, i akuzuari kishte qenë në dijeni se monedha ishte e falsifikuar, por të njëjtën kishte tentuar ta fus në qarkullim.

Go to TOP