Kosova.info

Ç’duhet të bësh pasi ndahesh nga shoqja e ngushtë?

Gjashtë këshilla për të lehtësuar ndarjen

Ndarjet në përgjithësi janë të hidhura. Nëse ndahesh nga i dashuri, e dimë që zemrën do ta kesh të thyer për pak kohë, por ajo që të shpëton është një bisedë e gjatë me shoqen e ngushtë.

Tani, problemi qëndron nëse zihesh keq me këtë të fundit dhe të dyja e dini që nuk ka më kthim. Ndarja nga shoqja e ngushtë është gjithashtu e dhimbshme, por si çdo gjë tjetër, kalohet.

Këshillat për ta bërë këtë fazë sa më të lehtë dhe me pak vuajtje janë të listuara më poshtë.

1. Mos u përpiqni t’i mbyllni ju gjërat!

Të mbyllësh një histori është emocionalisht e rëndë. Diçka e tillë duhet të vijë në mënyrë natyrale. Të dyja duhet të jeni të qeta që të mos arrini në përfundime dramatike. Kështu do të mësoni ç’ndjeni realisht.

2. Merruni me gjëra të ndryshme gjatë ditës

Ndarjet, qofshin këto me shoqen e ngushtë apo të dashurin, duan kohë të kalojnë, por gjithçka duhet të bëni është ta mbani veten të zënë. Nuk ka asgjë që nuk kalohet nëse merresh me punë apo aktivitet fizik. Futu në palestër, dil me pjesën tjetër të shoqërisë, lexo një libër dhe kërko të mësosh gjëra të reja.

3. Tako njerëz të rinj, por mos nxito të kërkosh për një tjetër shoqe të ngushtë

Nëse mikesha që ke humbur ishte pikërisht ajo me të cilën dilje më së shumti, e kuptojmë nevojën për ta mbushur atë zbrazëti menjëherë. Por mos harroni që shoqëritë e mëdha lindin spontanisht dhe në mënyrë organike. Nuk duhet të forcohesh dhe ta kërkosh me ngulm këtë. Ndërkohë, krijoji vetes hapësira për të dalë me njerëz të rinj.

4. Nëse është nevoja, hiqeni nga rrjetet sociale

E kuptojmë që nuk ka asgjë më acaruese sesa të shohësh atë që dikur bënte gjithçka me ty, t’i bëjë me dikë tjetër dhe për më tepër t’i postojë në Instagram. Të mendosh se ajo nuk do t’ia dijë për këtë humbje, vret, por mund ta shmangni këtë duke e fshirë nga rrjetet sociale.

5. Përpiqu të mësosh diçka nga e gjithë kjo

Nga ndarjet sigurisht që mund të nxjerrësh shumë përfundime. Nuk do të bësh sërish të njëjtat gabime, apo sjellje dhe mbi të gjitha do të jesh më e kujdesshme në zgjedhjen e radhës. Ose, nëse je ti problemi, do të merresh më shumë me veten për ta ndrequr këtë.

6. Prano që ju mund të mos pajtoheni kurrë!

Ka gjasa që jeta të mos ju përballë më kurrë me këtë njeri. Thuajani vetes këtë nëse po mendoni çdo ditë për një takim të rastësishëm. Ndonëse ideja e faljes dhe e përqafimit është shumë e bukur, asnjëherë nuk i dihet.

escort mersin - izmir escort