Bora ka nisur në mënyrë më të mirë të mundshme fazën çerekfinale të “Play-off”-it duke mposhtur bindshëm Sigal Prishtina me rezultat 105:67.

Skuadra e Borës tregoi epërsi të plotë gjatë gjithë takimit duke kontrolluar ritmin dhe duke mos i lënë hapësira kundërshtarit për rikthim në lojë. Që nga çereku i parë, Bora krijoi diferencë të konsiderueshme, të cilën e thelloi edhe më shumë deri në fund të ndeshjes.

Me një sulm efikas dhe mbrojtje të fortë, Bora dominoi në të gjitha aspektet duke e bërë këtë përballje një nga fitoret më bindëse të fazës së parë të “Play-off”-it.

Kjo fitore i jep avantazh të rëndësishëm Borës në serinë çerekfinale, ndërsa Sigal Prishtina do të kërkojë reagim në ndeshjen e radhës për të mbajtur gjallë shpresat për kualifikim.