Art Shahini, talenti i ri nga Mitrovica, ka marrë një ftesë zyrtare nga akademia e futbollit më prestigjioze në botë, FC Barcelona. Gjatë datave 23-29 të këtij muaji, Arti do të ketë mundësinë të stërvitet dhe të tregojë aftësitë e tij unike në futboll përkrah bashkëmoshatarëve të tij në akademinë e Barcelonës.

Ky është një sukses i jashtëzakonshëm jo vetëm për Artin, por edhe për shkollën “Elclasico,” ku ai ka qenë pjesë për katër vite dhe është renditur ndër golashënuesit më të mirë në rajonin e Mitrovicës. Familja dhe trajnerët e tij janë të emocionuar për këtë arritje dhe shprehen krenarinë e tyre për progresin e Artit.

“Urime dhe suksese në këtë rrugëtim të ri, Arti. Të urojmë shëndet, fat dhe suksese të mëtejshme në karrierën tënde,” u shprehën përfaqësuesit e shkollës “Elclasico.” /Kosova.info/