Të paktën 10 alipinistë humbën jetën dhe tetë të tjerë mbetën të plagosur, pasi minibusi me të cilin ata po udhëtonin u përmbys në rrugë. Ngjarja e rëndë ndodhi në orët e para të mëngjesit të sotëm në provincën e Azerbajxhanit Lindor, teksa alpinistët ishin nisur drejt Azerbajxhanit.

Minibusi ishte nisur nga Tabriz, qyteti më i madh në veriperëndim të Iranit, në një lartësi prej 1351 metrash, drejt një prej fshatrave turistikë të Warzghan që ndodhet rreth 60 kilometra larg, kur u përmbys në rrugë.

Ekipet e shpëtimit shkuan me urgjencë në vendngjarje, duke bërë të mundur nxjerrjen e të mbijetuarve nga mjeti, te cilët më pas u dërguan në spitalin më të afërt për të marrë ndihmën e nevojshme mjekësore.  Ende nuk dihet arsyeja e aksidentit, ndërsa autoritetet kanë nisur hetimet në lidhje me ngjarjen e rëndë.