Lufta Rusi-Ukrainë do të jetë një pjesë e rëndësishme e diskutimeve në takimin e ministrave të jashtëm të G20, por India nikoqire ka besim se sfidat ekonomike të shkaktuara nga lufta do të kenë vëmendje të barabartë, tha të mërkurën shefi i politikës së jashtme të Indisë, Vinay Kwatra.

“Po, duke pasur parasysh natyrën dhe zhvillimin e konfliktit midis Rusisë dhe Ukrainës, do të jetë një diskutim i rëndësishëm,” u tha Kwatra gazetarëve të mërkurën ndërsa ministrat e jashtëm mbërritën në Nju Delhi për një samit.

“Çështjet që lidhen me sigurinë e ushqimit, energjisë dhe plehrave, ndikimi që po ka konflikti në këto sfida ekonomike me të cilat përballemi” do të marrin gjithashtu “vëmendjen e nevojshme”, shtoi ai.

Në takim do të marrin pjesë 40 delegacione, duke përfshirë atë të ministrit të Jashtëm rus Sergej Lavrov, sekretarit amerikan të shtetit Antony Blinken dhe ministrit të jashtëm kinez Qin Gang.