Anëtari i PSD-së, Nol Nushi ka thënë se shifrat e publikuara nga Qeveria për rritjen e pagave në sektorin public janë manipulim e mashtrim.

Ai kanë thënë se ata nuk kanë treguar se shtesat e pagave më s’do të ekszitojnë pasi do të jenë të përfshira në pagë.

“Rritja e pagave me ligjin e ri eshte pothuajse e barabarte me pagen + shtesat qe kane qene deri tash. Shumica e kategorive do te kene te hyra mujore rreth 10% me shume se me heret. Pra kurrsesi 30% e 40% qysh po thotë Qeveria”, ka shkruar Nushi në Facebook.

Ai madje thotë se qytetarët janë të hutuar nga propaganda e Qeverisë, por përsëri do të përballen me sfidat ekonomike në fund të muajit.