Fotografi nga shënimi i Ditës së Pavarësisë së Ukrainës në kohë lufte, dhe ato nga përmbytjet si pasojë e reshjeve të dendura të shiut në Pakistan, kanë mbizotëruar javën që lamë pas.
1Një vajzë e vogël ukrainase duke i treguar së ëmës lodrën e saj të re gjatë një aktiviteti kushtuar fëmijëve refugjatë ukrainas në Bukuresht.2Njerëzit duke qëndruar ulur në një rrugë të shkatërruar pas reshjeve të mëdha të shiut në rrethin Rajanpur të Provincës Punjab, Pakistan. Mbi 1.000 persona kanë vdekur si rezultat i vërshimeve në Pakistan që nga qershori, thanë zyrtarët nga Autoriteti Kombëtar për Menaxhimin e Fatkeqësive më 28 gusht.3Tifozet e klubit të futbollit Esteghlal duke brohoritur gjatë një ndeshjeje ndërmjet ekipeve Esteghlal dhe Mes-e Kerman në stadiumin Azadi në Teheran më 25 gusht. Gratë iraniane u lejuan të ndiqnin një ndeshje të kampionatit kombëtar të futbollit për herë të parë që nga Revolucioni Islamik i vitit 1979, në atë po cilësohet si një veprim historik.4Një burrë duke e fotografuar një skulpturë të një dore me thonjtë e lyer me ngjyrat e flamurit kombëtar të Ukrainës, duke e konsideruar gjest të vrazhdët, para Ambasadës ruse në Pragë.5Trupi i një fëmije 11-vjeçar, i cili u vra në një sulm ushtarak rus shihet shtrirë në tokë në Chaplyne në rajonin Dnipropetrovsk të Ukrainës.6Një burrë duke qëndruar në mes të shiut me majmunin e tij duke kërkuar lëmoshë nga kalimtarët në rrugë në Hyderabad, Pakistan.7Një burrë i moshuar duke qarë gjatë një ceremonie nderimi për ushtarët e rënë të Ukrainës në varrezat Lyçakivit në qytetin perëndimor të Ukrainës, Lviv.8Gratë afgane me dëmtime si rezultat i poliomielitit, duke luajtur në një ndeshje basketbolli me karrige me rrota si pjesë e një fushate vaksinimi ndaj poliomielitit në Herat. Afganistani dhe Pakistani janë dy vendet e vetme në botë ku poliomieliti nuk është zhdukur.9Një fëmijë duke u argëtuar me freskinë e vrushkujve të ujit nga kamionët e angazhuar nga komuna në sheshin Dvortsovaya në Shën Petersburg ndërsa temperaturat arritën gati 30 gradë celsius.10Një transportues i blinduar shihet përtej një fushe të mbjellë me kulturën e lulediellit në rajonin Donjeck, Ukraina lindore.11Një ukrainas duke u larguar me makinë nga shtëpia e tij në Toretsk, më 22 gusht pasi ajo u shkatërrua nga granatimet.12Nënat me të porsalindurit e tyre duke zbritur me ashensor në një strehimore të organizuar poshtë një spitali për fëmijë gjatë një alarmi për sulm ajror në Odesa, Ukrainë. Streha nëntokësore ofron të gjitha shërbimet e nevojshme për gratë shtatzëna, nënat e reja dhe foshnjat e tyre.13Yuliya Evchenko e Ukrainës teksa garon në kategorinë kërcim së larti në Kampionatin Evropian në Mynih.14Një familje pakistaneze e zhvendosur duke qëndruar skaj rrugës pasi u largua nga shtëpia shkaku i përmbytjeve në Nasirabad, një distrikt i provincës Balochistan në jugperëndim të Pakistanit. Përmbytjet e shkaktuara nga shirat e dendura deri më tani kanë marrë jetën e më shumë se 1 mijë personave në të gjithë Pakistanin gjatë dy muajve të fundit, sipas të dhënave të autoriteteve të publikuara më 28 gusht.15Anëtarët e një qendre lokale të komunitetit të veshur me veshje tradicionale ukrainase për të regjistruar një video-mesazh online për Ditën e Pavarësisë së vendit më 24 gusht në Andriivka, rajoni i Donjeckut, Ukraina lindore, më 19 gusht 2022.16Një ushtar ukrainas duke qëlluar me një top kundërajror ZU-23-2 në një pozicion pranë vijës së frontit në rajonin e Harkivit më 24 gusht.17Njerëzit duke ecur mes pajisjeve ushtarake të shkatërruara ruse të ekspozuara në Kiev më 23 gusht.18Një klerik iranian duke kaluar nëpër një vendkalim për këmbësorë në një rrugë në Teheran.19Një grua e grimuar me plagë dhe ngjyra ukrainase gjatë një aktiviteti në Berlin të quajtur “Marshimi i Lirisë” për të shënuar Ditën e Pavarësisë së Ukrainës, më 24 gusht.20Oficerët e policisë duke bërë roje kundër mbështetësve të ish-kryeministrit pakistanez, Imran Khan, i cili po përballet me akuza për terrorizëm, ndërsa ai shfaqet në gjykatë për të zgjatur lirimin me kusht në Islamabad, më 25 gusht.
