I dërguari i Gjermanisë për Ballkanin, Manuel Sarrazin po qëndron për vizitë zyrtare në Kosovë.

Ai ka vizituar Manastirin e Deçanit, teksa për këtë aktivitet të tij ka njoftuar me anë të një postimi në Tëitter.

“Shkëlqyeshëm të vizitosh Manastirin e Deçanit dje dhe të bisedosh me At Sava. Trashëgimia kulturore e Deçanit është pjesë e rëndësishme e Kosovës multietnike. Mezi pres të kthehem në të ardhmen”, ka shkruar Sarrazin.

Kjo vizitë e Sarrazin në Manastirin e Deçanit vjen në një kohë kur ndërkombëtarët po bëjnë presion që të zbatohet vendimi i Kushtetueses për pronën përreth Manastirit të Deçanit.

Mediat raportuan dje se Sarrazin do të ketë takim edhe me kryediplomatën Gërvalla mirëpo që kjo e fundit nuk ka njoftuar ende diçka zyrtare.