Presidenti ukrainas, Volodymyr Zelensky, e ka dënuar vendimin e NATO-s që nuk e ka implementuar zonën e ndaluar të fluturimit në Ukrainë.

“NATO-ja qëllimisht e pavendosur që të mos i mbulojë qiejt mbi Ukrainë”, ka thënë Zelensky, përmes një prononcimi në Facebook.

“Ne besojmë që shtetet e NATO-s e kanë krijuar narrativën që mbyllja e qiejve mbi Ukrainë do ta provokonte agresionin direkt rus kundër NATO-s. Kjo është një vetëhipnozë e atyre që janë të dobët dhe të pasigurt nga brenda, pavarësisht faktit që ata posedojnë armë shumë më të fuqishme sesa ato që i kemi ne”.

Sekretari amerikan i shtetit, Anthony Blinken, kishte thënë sot se vendosja e një zone të ndaluar fluturimi në Ukrainë nga ShBA-ja dhe aleatët e NATO-s do të mund të çonte në një luftë në Evropë, ndërkaq shefi i NATO-s kishte thënë që ky opsion nuk po konsiderohet nga NATO-ja.