“Nëse sponsori juaj është një ‘non grata’, çfarë po i premtoni votuesve më 6 mars?”, ambasadorja Yuri Kim del me mesazhin e koduar për Berishën dhe kandidatët e tij: Çfarë duhet të presin SHBA?
Ambasadorja e SHBA-së, Yuri Kim po ndjek me vëmendje fushatën zgjedhore të 6 marsit. Përmes një postimi në Twitter, në formën e 4 pyetjeve, Kim u tërheq vëmendjen kandidatëve të ish-kryeministrit Sali Berisha.
“Pyetje për kandidatët: Nëse sponsori juaj kryesor është dikush i caktuar nga SHBA për korrupsion të konsiderueshëm, çfarë saktësisht po u premtoni votuesve? Kush do t’ju zotërojë nëse fitoni dhe çfarë do t’i detyroheni atyre? Çfarë duhet të presin shqiptarët? Çfarë duhet të presin SHBA?”, shkruan ajo.